Gn-iuornu, nicuzzu miu, t?ȏ vuogghiu riri,

quannu sarai cci? ḍḍanni e ppuoi capiri,

cchi cosa bbella fu quannu nascisti,

la ggioia c?a tutti quanti ni puttasti.

E ssiccomu li ggioi nun-zu? mmai suli

ca sempri l?accumpagnanu i ruluri,

anchi sta ranni ggioia, tantu aspittata,

ni vinni tanticceḍḍa abbilinata.

Cchi ppinzieri, cchi battiti ri cori,

cchi nnuvuluni n?antupparu u suli:

l?uocci ?ini ri lacrimi to maṭṛi,

chi ffacci ṭṛisti ca ci avia to paṭṛi.

Iu ca curagghiu vulia fari a ttutti,

cchi ccutugnu c?avia mmenṭṛi nt? piettu.

 

Ora cchi ssi? bbiḍḍuni, amuri miu,

cchi ppuostu t?ha? pigghiatu nt? me cori!

Quannu ccu ḍḍa manuzza m?accarizzi,

menṭṛi m?arriri o menṭṛi bbatti i manu,

nun puoi sapiri, tu, cchi ccuntintizza.

A stissa a vuogghiu ppi ttia,

ma no sulu ppi ora:

ppi ora e ssempri, ppi ttutta la vita!

Sta vita, ca a ccu? runa picca e nnenti

e a ccu? runa ppi iḍḍu e pp? parienti,

vuogghiu ccu ttia c?ha ?ssiri gghinirusa

comu fussi la maṭṛi tua amurusa.

E se na cosa tinta po arrivari,

vieni vi?inu a mmia, nun ti scantari,

ca iu ti ṣṭṛinciu fotti fotti ? piettu,

ammucciatu nt? cori miu ti miettu.

    

Nun ti scantari ?i nenti, ?iatu miu,

campa ṭṛanquillu, cca c?? u nonnu tuou.